ᠴᠠᢈᠢᠮ ᠡᠷᠢᠨ ᠳᠡᢈᠢ ᠮᠣᠩᠭᠣᠯ ᠪᠢᠴᠢᢉ ᠦᠨ ᠢᠷᠡᢉᠡᠳᠦᠢ ᠳᠦ ᠮᠣᠩᠭᠣᠯ ᠪᠢᠴᠢᢉ ᠦᠨ ᠺᠣᠳ᠋ᠴᠢᠯᠠᠯ ᠤᠨ ᠢᠨ᠋᠊᠊ᠨᠤᠸᠠᠼ
《ᠲᠤᠩᠭᠠᠮᠠᠯ ᠵᠠᠭᠪᠤᠷ》᠆ ᠢ XIV ᠵᠠᠭᠤᠨ ᠤ ᠦᠶᠡ ᠶᠢᠨ ᠨᠡᠷᠡᠲᠦ ᠪᠢᠴᠢᢉ ᠦᠨ ᢈᠦᠮᠦᠨ ᠴᠣᠶᠢᠵᠢ ᠣᠳᠰᠠᠷ ᠤᠨ ᠲᠤᠭᠤᠷᠪᠢᠭᠰᠠᠨ ᠮᠣᠩᠭᠣᠯ ᢈᠡᠯᠡ᠂ ᠪᠢᠴᠢᢉ ᠦᠨ ᠰᠤᠳᠤᠯᠤᠯ ᠤᠨ ᠡᢈᠢ ᠦᠨᠳᠦᠰᠦ ᠪᠣᠯᠤᠭᠰᠠᠨ 《ᠵᠢᠷᠦᢈᠡᠨ ᠲᠣᠯᠲᠤ》ᢈᠡᠮᠡᢈᠦ ᢈᠡᠯᠡ ᠵᠦᠢ ᠶᠢᠨ ᠪᠦᠲᠦᢉᠡᠯ ᠳᠦ ᠲᠤᠯᠭᠠᠭᠤᠷᠢᠯᠠᠵᠤ᠂ ᠲᠡᢉᠦᠨ ᠡᠴᠡ ᠬᠣᠶᠢᠰᠢ ᠭᠠᠷᠤᠭᠰᠠᠨ ᢈᠡᠯᠡ ᠰᠢᠨᠵᠢᠯᠡᠯ ᠦᠨ ᠪᠣᠯᠤᠨ ᠰᠤᠷᠭᠠᠯᠲᠠ ᠰᠤᠳᠤᠯᠭᠠᠨ ᠤ ᠣᠯᠠᠨ ᠪᠦᠲᠦᢉᠡᠯ ᠢ ᠬᠠᠷᠢᠴᠠᠭᠤᠯᠤᠨ ᠨᠢᠭᠲᠠᠯᠠᠵᠤ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ᠃
ᠲᠤᠩᠭᠠᠮᠠᠯ ᠵᠠᠭᠪᠤᠷ ᠢ ᠶᠦᠨᠢᠻᠣᠳ᠋ ᠤᠨ ᠲᠧᢈᠨᠢᠻ ᠦᠨ ᠵᠥᠪᠯᠡᠯ ᠦᠨ ᠑᠕᠘ ᠆ᠳ᠋ᠤᠭᠠᠷ ᠬᠤᠷᠠᠯ ᠢᠶᠠᠷ ᢈᠡᠯᠡᠯᠴᠡᠨ ᠳᠡᠮᠵᠢᢉᠰᠡᠨ ᠢᠶᠡᠷ ᢈᠡᠷᠡᢉᠯᠡᢉᠡᠨ ᠳᠦ ᠲᠤᠷᠰᠢᠬᠤ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠭᠰᠠᠨ᠃
ᠣᠳᠤ ᠶᠢᠨ ᠶᠦᠨᠢᠻᠣᠳ᠋ ᠰᠲ᠋ᠠᠨ᠋ᠳᠠᠷᠲ ᠲᠤ ᠦᠰᠦᢉ ᠦᠨ ᠲᠡᠦᢈᠡᠨ ᠦᠶᠡ ᠳᠦ ᢈᠡᠷᠡᢉᠯᠡᢉᠳᠡᠵᠦ ᠪᠠᠶᠢᠭᠰᠠᠨ ᠬᠤᠪᠢᠯᠪᠤᠷᠢ ᠳᠦᠷᠰᠦ ᠨᠦᢉᠦᠳ ᠢ ᢈᠦᠷᠲᠡᠯᠡ ᠣᠷᠤᠭᠤᠯᠤᠨ ᠺᠣᠳ᠋ᠴᠢᠯᠠᠭᠰᠠᠨ ᠪᠠᠶᠢᠳᠠᠭ᠃ ᠺᠣᠳ᠋ᠴᠢᠯᠠᠯ ᠪᠣᠯ ᠰᠠᠭᠤᠷᠢ ᠰᠲ᠋ᠠᠨ᠋ᠳᠠᠷᠲ ᠪᠣᠯᠬᠤ ᠠᠴᠠ᠂ ᠪᠠᠶᠢᠭᠠ ᠪᠦᢈᠦᠨ ᠢ ᠠᠭᠤᠯᠬᠤ ᠲᠣᠭᠲᠠᠯᠴᠠᠭᠠ ᠪᠢᠰᠢ ᠤᠴᠢᠷ᠂ ᠪᠢᠳᠡ ᠮᠣᠩᠭᠣᠯ ᠪᠢᠴᠢᢉ ᠦᠨ ᠘᠐᠐ ᠵᠢᠯ ᠦᠨ ᠳᠤᠷᠠᠰᠬᠠᠯ ᠢ ᠰᠤᠳᠤᠯᠤᠭᠰᠠᠨ ᠤ ᠦᠨᠳᠦᠰᠦᠨ ᠳᠡᢉᠡᠷᠡ ᠺᠣᠳ᠋ᠴᠢᠯᠠᠯ ᠳᠤ ᠪᠠᠶᠢᠬᠤ ᠱᠠᠭᠠᠷᠳᠠᠯᠭᠠ ᠦᢉᠡᠢ᠂ ᠬᠠᠷᠢᠨ ᠲᠤᠬᠠᠢ ᠶᠢᠨ ᠴᠠᠭ ᠤᠨ ᠣᠨᠴᠠᠯᠢᠭ ᠢ ᠢᠯᠡᠳᢈᠡᢉᠰᠡᠨ ᠹᠣᠨ᠋ᠲ ᠢᠶᠠᠷ ᠳᠦᠷᠰᠦᠯᠡᠵᠦ ᠭᠠᠷᠭᠠᠪᠠᠯ ᠵᠣᢈᠢᠬᠤ ᠪᠦᢈᠦ ᠳᠦᠷᠰᠦ ᠨᠦᢉᠦᠳ ᠢ ᠬᠠᠰᠤᠵᠤ᠂ ᠺᠣᠳ᠋ᠴᠢᠯᠠᠯ ᠤᠨ ᠲᠠᠯᠠᠪᠤᠷ ᠢ ᠡᠮᢈᠢᠯᠡᠨ ᠴᠡᢉᠴᠡᠯᠡᢉᠰᠡᠨ᠃
ᠣᠳᠤ ᠶᠢᠨ ᠶᠦᠨᠢᠻᠣᠳ᠋ ᠲᠤ ᠬ᠊᠂ ᠭ᠊ ᠬᠣᠶᠠᠷ ᠦᠰᠦᢉ ᠺᠣᠳ᠋ᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠲᠡᢉᠦᠨ ᠦ ᠡᠮᠡ ᠦᢉᠡᠨ ᠳᠦ ᢈᠡᠷᠡᢉᠯᠡᢈᠦ ᢈ᠂ ᢉ ᠬᠣᠶᠠᠷ ᠦᠰᠦᢉ ᠢ ᠹᠣᠨ᠋ᠲ ᠤᠨ ᠳᠦᠷᠢᠮ᠂ ᠬᠤᠪᠢᠯᠪᠤᠷᠢ ᠰᠣᠩᠭᠤᠬᠤ ᠲᠡᠮᠳᠡᢉᠲᠦ ᠪᠡᠷ ᠭᠠᠷᠭᠠᠳᠠᠭ᠃ ᠵᠢᠱᠢᠶᠡ ᠨᠢ᠂ ᠪᠢᠴᠢᢉ᠂ ᠪᠢᠯᠢᢉ ᢉᠡᢈᠦ ᠮᠡᠲᠦ ᠦᢉᠡᠰ ᠢ ᠪᠢᠴᠢᢈᠦ ᠳᠦ ᠡᠷᠡ ᠦᢉᠡ ᠶᠢᠨ 《ᠭ᠊》᠆ ᠲᠠᠢ ᠪᠢᠴᠢᢉᠳᠡᢈᠦ ᠪᠥᢉᠡᠳ ᠵᠥᠪ ᢈᠡᠯᠪᠡᠷᠢ ᠶᠢ ᠭᠠᠷᠭᠠᠬᠤ ᠶᠢᠨ ᠲᠤᠯᠠᠳᠠ ᠓ ᠲᠥᠷᠦᠯ ᠦᠨ ᠬᠤᠪᠢᠯᠪᠤᠷᠢ ᠰᠣᠩᠭᠤᠭᠤᠷ ᠢ ᠡᠨᠳᠡ ᠲᠡᠨᠳᠡ ᠨᠢ ᠲᠠᠯᠪᠢᠵᠤ ᠪᠠᠶᠢᠵᠤ ᠪᠢᠴᠢᠳᠡᢉ᠃ ᠡᠶᠢᠮᠦ ᠮᠠᠶ᠋ᠢᠭ ᠢᠶᠠᠷ ᠪᠢᠴᠢᢈᠦ ᠦᢉᠡᠰ ᢉᠱᠠᠨ᠂ ᢉᢈᠢᠷ᠂ ᠠᠩᢉᠯᠢ ᢉᠡᠳ ᠮᠠᠰᠢ ᠣᠯᠠᠨ ᠪᠠᠶᠢᠳᠠᠭ᠃ ᠲᠤᠩᠭᠠᠮᠠᠯ ᠵᠠᠭᠪᠤᠷ ᠲᠤ᠂ ᠦᢉᠡ ᠶᠢᠨ ᠡᠷᠡ ᠡᠮᠡ ᠶᠢ ᠲᠣᠳᠤᠷᠬᠠᠶᠢᠯᠠᠬᠤ ᠡᢉᠦᠷᢉᠡ ᠲᠡᠢ ᢈ᠂ ᢉ ᠬᠣᠶᠠᠷ ᠦᠰᠦᢉ ᠢ ᠮᠣᠩᠭᠣᠯ ᢈᠡᠯᠡ ᠰᠢᠨᠵᠢᠯᠡᠯ ᠦᠨ ᠪᠦᠲᠦᢉᠡᠯ᠂ ᠴᠠᠭᠠᠨ ᠲᠣᠯᠤᠭᠠᠢ ᠨᠤᠭᠤᠳ ᠲᠤ ᠲᠤᠰᠬᠠᠢ ᠦᠰᠦᢉ ᢈᠡᠮᠡᠨ ᠦᠵᠡᠵᠦ ᠢᠷᠡᢉᠰᠡᠨ ᠢ ᠪᠠᠷᠢᠮᠲᠠᠯᠠᠨ ᠰᠠᠯᠭᠠᠭᠰᠠᠨ ᠪᠥᢉᠡᠳ ᠶᠦᠨᠢᠻᠣᠳ᠋ ᠤᠨ ᠲᠧᢈᠨᠢᠻ ᠦᠨ ᠬᠣᠷᠢᠶᠠᠨ ᠠᠴᠠ ᠡᠳᠡᢉᠡᠷ ᠲᠦ ᠠᠯᠢ ᠭᠠᠯᠢ ᠦᠰᠦᢉ ᠦᠨ ᠪᠦᠯᠦᢉ ᠡᠴᠡ ᠬᠣᠶᠠᠷ ᠺᠣᠳ᠋ ᢈᠡᠷᠡᢉᠯᠡᢈᠦ ᠵᠥᠪᠰᠢᠶᠡᠷᠡᠯ ᠥᢉᢉᠦᢉᠰᠡᠨ᠃ ᠡᠳᠡᢉᠡᠷ ᠦᠨ ᠳ᠋ᠦᠩ ᠳᠦ᠂ ᠮᠣᠩᠭᠣᠯ ᠪᠢᠴᠢᢉ ᠢᠶᠡᠷ ᠺᠣᠮᠫᠢᠶᠦ᠋ᠲ᠋ᠧᠷ ᠲᠦ ᠪᠢᠴᠢᢈᠦ ᠳᠦ ᠡᢉᠦᠰᠴᠦ ᠪᠠᠶᠢᠭᠰᠠᠨ ᠪᠡᠷᢈᠡᠰᠢᠶᠡᠯ ᠦᠨ ᠳᠡᠶᠢᠯᠦᠩᢈᠢ ᠨᠢ ᠰᠢᠢᠳᠦᢉᠳᠡᢉᠰᠡᠨ᠃
ᠣᠳᠤ ᠶᠢᠨ ᠶᠦᠨᠢᠻᠣᠳ᠋ ᠢᠶᠠᠷ ᠓ ᠲᠥᠷᠦᠯ ᠦᠨ FVS ᢈᠡᠮᠡᢈᠦ ᠦᠰᠦᢉ ᠦᠨ ᠬᠤᠪᠢᠯᠪᠤᠷᠢ ᠳᠦᠷᠰᠦ ᠰᠤᠩᠭᠤᠬᠤ ᠲᠤᠰᠬᠠᠢ ᠲᠡᠮᠳᠡᢉᠲᠦ ᢈᠡᠷᠡᢉᠯᠡᠳᠡᢉ ᠪᠠ ᠡᠳᠡᢉᠡᠷ ᠢ ᠦᠰᠦᢉ ᠦᠨ ᠢᠶᠡᠨ ᠬᠣᠶᠢᠨᠠ᠂ ᠤᠷᠳᠤ ᠬᠠᠮᠢᠭᠠ ᢈᠡᠷᠡᢉᠯᠡᢈᠦ ᠨᠢ ᠲᠤᠬᠠᠢ ᠶᠢᠨ ᠲᠣᢈᠢᠶᠠᠯᠳᠤᠯ ᠠᠴᠠ ᠪᠠᠨ ᠬᠠᠮᠢᠶᠠᠷᠤᠨ ᠶᠠᠩᠵᠤ ᠪᠦᠷᠢ ᠪᠠᠶᠢᠳᠠᠭ ᠨᠢ ᠶᠡᢈᠡ ᠲᠥᠪᠡᢉᠲᠡᠢ ᠪᠠᠶᠢᠳᠠᠭ᠃ ᠬᠠᠷᠢᠨ 《ᠲᠤᠩᠭᠠᠮᠠᠯ ᠵᠠᠭᠪᠤᠷ》ᠲᠦ ᠭᠠᠭᠴᠠᠬᠠᠨ ᠬᠤᠪᠢᠯᠪᠤᠷᠢ ᠰᠣᠩᠭᠤᠭᠤᠷ (FVS) ᢈᠡᠷᠡᢉᠯᠡᠳᠡᢉ ᠪᠣᠯᠬᠤ ᠪᠠᠷ ᠮᠠᠰᠢ ᠲᠣᠭᠲᠠᠪᠤᠷᠢᠲᠠᠢ᠂ ᠡᠷᠡᢉᠡᠯᠵᠡᢉᠡ ᠦᢉᠡᠢ᠂ ᠪᠢᠴᠢᢈᠦ ᠳᠦ ᢈᠢᠯᠪᠠᠷ ᠪᠣᠯᠤᠭᠰᠠᠨ᠃
ᠣᠳᠤ ᠶᠢᠨ ᠺᠣᠳ᠋ᠴᠢᠯᠠᠯ ᠤᠨ ᠳᠠᠭᠠᠭᠤ ᠮᠣᠩᠭᠣᠯ ᠪᠢᠴᠢᢉ ᠦᠨ ᠪᠢᠴᠢᠪᠦᠷᠢ ᠡᢉᠦᠰᢈᠡᢈᠦ ᠳᠦ ᠦᠯᠦ ᠦᠵᠡᢉᠳᠡᢈᠦ ᠳᠣᠯᠤᠭᠠᠨ ᠲᠡᠮᠳᠡᢉᠲᠦ (᠓ ᠬᠤᠪᠢᠯᠪᠤᠷᠢ ᠰᠣᠩᠭᠤᠭᠴᠢ᠂ ᠔ ᠲᠤᠰᠬᠠᠢ ᠲᠡᠮᠳᠡᢉᠲᠦ) ᢈᠡᠷᠡᢉᠯᠡᠳᠡᢉ ᠪᠥᢉᠡᠳ ᢈᠡᠷᠡᢉᠯᠡᢉᠴᠢᠳ ᠰᠠᠨᠠᠮᠰᠠᠷ ᠦᢉᠡᠢ ᠡᠰᠡᠪᠡᠯ ᠣᠯᠠᠨ ᠳᠠᢈᠢᠨ ᠳᠠᠷᠤᠭᠳᠠᠭᠰᠠᠨ ᠡᠰᠡᢈᠦ ᠶᠢ ᠮᠡᠳᠡᢈᠦ ᠪᠣᠯᠤᠮᠵᠢ ᠦᢉᠡᠢ ᠨᠢ ᠲᠦᠪᠡᢉᠲᠡᠢ ᠪᠠᠶᠢᠳᠠᠯ ᠡᢉᠦᠰᢈᠡᠳᠡᢉ᠃ ᠡᢉᠦᠨ ᠢ ᠪᠢᠳᠡ ᠪᠦᠷᠢᠨ ᠰᠢᠢᠳᠴᠦ ᢈᠡᠷᠡᢉ ᠦᢉᠡᠢ ᠭᠠᠵᠠᠷ ᢈᠡᠷᠡᢉᠯᠡᢉᠳᠡᢉᠰᠡᠨ ᠪᠦᢈᠦ ᠦᠯᠦ ᠦᠵᠡᢉᠳᠡᢈᠦ ᠲᠡᠮᠳᠡᢉᠲᠦ ᠶᠢ ᠢᠯᠡ ᠬᠠᠷᠠᠭᠤᠯᠬᠤ ᠪᠠᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ᠃
ᠪᠢᠳᠡ ᠡᠳᠦᢉᠡ ᢈᠡᠷᠡᢉᠯᠡᢉᠳᠡᠵᠦ ᠪᠤᠢ ᠮᠣᠩᠭᠣᠯ ᠪᠢᠴᠢᢉ ᠦᠨ ᠶᠦᠨᠢᠻᠣᠳ᠋ ᠤᠨ ᠵᠠᠭᠪᠤᠷ ᠢ ᢈᠢᠨᠠᠨ ᠰᠢᠯᠭᠠᠵᠤ᠂ ᠰᠠᠶᠢᠵᠢᠷᠠᠭᠤᠯᠤᠭᠠᠳ ᠥᠪᠡᠷᠰᠡᠳ ᠦᠨ ᠰᠢᠢᠳᠦᠯ ᠢ ᠪᠤᠰᠤᠳ ᠣᠷᠤᠯᠳᠤᠯᠭᠠ ᠨᠤᠭᠤᠳ ᠠᠴᠠ ᠢᠯᠭᠠᠬᠤ ᠡᢉᠦᠳᠡᠨ ᠡᠴᠡ 《ᠲᠤᠩᠭᠠᠮᠠᠯ ᠵᠠᠭᠪᠤᠷ》ᢈᠡᠮᠡᠨ ᠨᠡᠷᠡᠶᠢᠳᠦᠯᠡ᠃ ᠲᠤᠩᠭᠠᠮᠠᠯ ᠵᠠᠭᠪᠤᠷ ᠨᠢ ᠶᠦᠨᠢᠻᠣᠳ᠋ ᠰᠲ᠋ᠠᠨ᠋ᠳᠠᠷᠲ ᠲᠠᠢ ᠶᠡᢈᠡᠪᠴᠢᠯᠡᠨ ᠨᠡᠶᠢᠴᠡᢈᠦ ᠪᠥᢉᠡᠳ UTC #᠑᠕᠘ ᠬᠤᠷᠠᠯ ᠢᠶᠠᠷ ᠲᠧᢈᠨᠢᠻ ᠦᠨ ᠬᠣᠷᠢᠶᠠᠨ ᠤ ᠮᠡᠷᢉᠡᠵᠢᠯᠲᠡᠨ ᠨᠦᢉᠦᠳ ᠲᠤᠷᠰᠢᠬᠤ ᠪᠣᠯᠤᠮᠵᠢ ᠣᠯᠭᠤᠭᠰᠠᠨ᠃ ᠪᠢᠳᠡ ᠮᠡᠳᠡᢉᠳᠡᢉᠰᠡᠨ ᠶᠣᠰᠤᠭᠠᠷ ᠢᠶᠠᠨ ᠴᠠᢈᠢᠮ ᠣᠷᠴᠢᠨ ᠳᠤ ᠮᠣᠩᠭᠣᠯ ᠪᠢᠴᠢᢉ ᠦᠨ ᠬᠤᠪᠢ ᠳᠤ ᠲᠤᠩᠭᠠᠮᠠᠯ ᠵᠠᠭᠪᠤᠷ ᠢ ᠪᠠᠷᠢᠬᠤ ᠪᠥᢉᠡᠳ ᠴᠢᠨᠠᠭᠰᠢᠳᠠ ᠴᠤ ᠳᠡᠮᠵᠢᠨ ᠪᠤᠰᠤᠳ ᠪᠦᠲᠦᢉᠡᢉᠳᠡᢈᠦᠨ ᠨᠦᢉᠦᠳ ᠢᠶᠡᠨ ᠭᠠᠷᠭᠠᠬᠤ ᠪᠣᠯᠤᠨᠠ᠃
ᠮᠠᠨ ᠤ ᠰᠢᠢᠳᠦᠯ ᠮᠠᠰᠢ ᢈᠢᠯᠪᠠᠷ᠃
ᠪᠦᢈᠦ ᠲᠥᢈᠦᢉᠡᠷᠦᠮᠵᠢ᠂ ᠪᠦᢈᠦ ᠦᠢᠯᠡᠳᠦᠯ ᠦᠨ ᠰᠢᠰᠲ᠋ᠧᠮ᠂ ᠪᠦᢈᠦ ᠸᠧᠪ ᢈᠥᠲᠦᠴᠢ ᠳᠡᢉᠡᠷᠡ. ᠮᠣᠩᠭᠣᠯ ᠪᠢᠴᠢᢉ ᠢᠶᠡᠷ ᠪᠦᢈᠦ ᠴᠠᢈᠢᠮ ᠤᠷᠴᠢᠨ ᠳᠤ ᠴᠢᠯᠦᢉᠡᠲᠡᠢ ᠪᠢᠴᠢᢈᠦ ᠪᠣᠯᠤᠮᠵᠢ ᠶᠢ ᠪᠦᠷᠢᠳᠦᢉᠦᠯᢈᠦ ᠪᠡᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ. ᠲᠤᠬᠠᠶᠢᠯᠠᠪᠠᠯ᠂
ᠡᠷᢈᠢᠮ ᢈᠡᠷᠡᢉᠯᠡᢉᠴᠢ ᠲᠠᠨ ᠤ ᠠᠯᠢᠪᠠ ᠰᠠᠨᠠᠯ᠂ ᠵᠥᠪᠯᠡᢉᠡ᠂ ᠰᠢᢉᠦᠮᠵᠢ ᠳᠦ ᠪᠢᠳᠡ ᢉᠦᠨᠡ ᠲᠠᠯᠠᠷᠬᠠᠬᠤ ᠪᠣᠯᠤᠨᠠ᠃